Beynəlxalq Futbol Assosiasiyaları Federasiyası (FİFA) və Avropa Futbol Assosiasiyaları İttifaqının (UEFA) rəhbərliyi “Barselona”nın prezidenti Joan Laportanın son açıqlamalarını mənfi qarşılayıb.
90deqiqe.Az-ın "Sport.es"ə istinadən məlumatına görə, Laportanın Klub Dünya Çempionatı ilə bağlı sözləri FİFA rəhbərliyində narazılıq yaradıb. O, ABŞ-da keçiriləcək turnirin təşkilatçılarını tənqid edib. Çünki La Liqanın hazırkı çempionu olan “Barselona” yarışa dəvət almayıb, halbuki daha zəif komandalar turnirdə iştirak edəcək.
UEFA rəsmiləri isə katalon klubunun prezidentinin İspaniya çempionatının oyunlarını ölkə xaricində keçirmək ideyasını dəstəkləməyib. Bundan başqa, Superliqa təşəbbüsünə görə Laporta ilə UEFA arasında münasibətlər gərgin olaraq qalır.
Qeyd edək ki, “Barselona” rəhbərliyi dəfələrlə beynəlxalq futbol qurumlarının qərarlarını tənqid edib və Avropada yeni turnir formatlarının yaradılması ideyalarını gündəmə gətirib. Bu isə klubun FİFA və UEFA ilə münasibətlərində əlavə gərginlik yaradır.
