Türkiyə mətbuatı "Nefes" yazır ki, Rusiya hava hücumundan müdafiə sistemlərinin çatışmazlığı səbəbindən əvvəllər Türkiyəyə verilmiş S-400 raket komplekslərini geri almaq niyyətindədir.
Musavat.com xəbər verir ki, məqalədə bildirilir ki, Moskvanın hazır kompleksləri yoxdur. Bu səbəbdən 2019-cu ildə Ankaraya verilmiş sistemlərin geri qaytarılması ideyası müzakirə olunur.
Türkiyə S-400-dən demək olar ki, istifadə etmir: sistemlər NATO standartlarına uyğun deyil və Ankara özünün “Polad Qübbə” kompleksini inkişaf etdirir. Bundan başqa, ABŞ-ın CAATSA qanunu ilə tətbiq etdiyi sanksiyalardan qurtulmaq da əsas motivdir; bu sanksiyalar səbəbindən Türkiyə F-35 proqramından çıxarılıb.
Qeyd edək ki, dörd bölmədən ibarət S-400 kontraktı 2017-ci ildə təxminən 59 milyard rubl dəyərində imzalanmış və təchizat 2019-cu ildə başa çatmışdı.
Musavat.com
