(1).jpeg)
Artıq paytaxtın supermarketlərində yaşıl mandarinlər satışa çıxarılıb. Mövsümün ilk mandarini hesab olunan bu meyvə bahalı qiymətə təklif olunur.
Hurriyyet.az xəbər verir ki, tanınmış marketlərdən birində kiloqramı 4.99 manata satıldığı müşahidə edilib.
Qiymətinin yüksək, dadının isə turş olmasına baxmayaraq, alıcı marağı az deyil. Satış nöqtələrində bu meyvəni kilolarla alan müştərilərə də rast gəlinir. Dominos pizza
Gəlin bu meyvənin faydalarına nəzər salaq:
Yaşıl mandarin yalnız dadı ilə deyil, sağlamlığa verdiyi faydalarla da seçilir.
C vitamini mənbəyi – İmmuniteti gücləndirir, xüsusilə payız-qış mövsümündə soyuqdəymə və qripdən qorunmada təsirlidir.
Dərinin sağlamlığını qoruyur – Tərkibindəki antioksidantlar sayəsində dərini qidalandırır, yaşlanma prosesini ləngidir.
Həzm sistemini dəstəkləyir – Liflə zəngin olduğuna görə həzmi asanlaşdırır, mədədə şişkinliyin qarşısını alır.
Ürək və damar sağlamlığına yaxşı təsir edir – Kalium və C vitamini sayəsində qan dövranını yaxşılaşdırır, təzyiqin normallaşmasına yardımçı olur.
Çəkiyə nəzarətdə kömək edir – Aşağı kalorili və doyumludur, buna görə pəhriz saxlayanlar üçün ideal seçimdir.
Stressi azaldır – Mandarinin təravətli qoxusu əsəbləri sakitləşdirir, yuxu keyfiyyətini yaxşılaşdırır.
Orqanizmi toksinlərdən təmizləyir – Antioksidant təsiri bədəni zərərli maddələrdən qoruyur, ümumi enerjini artırır.
Mütəxəssislər bildirirlər ki, yaşıl mandarin turş dadlı olduğu üçün mədə problemi yaşayanlara çoxlu miqdarda istifadəsi tövsiyə olunmur. Amma ölçülü şəkildə yeyildikdə həm ləzzətli, həm də faydalı bir meyvədir.
