Bakı, 12 sentyabr, AZƏRTAC
Kişi basketbolçular arasında Avropa çempionatında ilk finalçı bəlli olub.
AZƏRTAC xəbər verir ki, yarımfinalın birinci matçında Almaniya və Finlandiya yığmaları üz-üzə gəlib. Rəqibini 98:86 hesabı ilə məğlub edən Almaniya seçməsi həlledici mərhələyə vəsiqə qazanıb.
Günün ikinci görüşündə Türkiyə yığması Yunanıstanla münasibətlərini aydınlaşdıracaq. Qarşılaşma saat 22:00-da start götürəcək. Bu komandalar indiyədək rəsmi oyunlarda 14 dəfə üz-üzə gəlib. Bunlardan 3-nü “ay-ulduzlular”, 11-ni isə yunanlar qələbə ilə bitirib.
Türkiyə yığmasının heyətində Cedi Osman zədəlidir. Onun son vəziyyəti matç saatına kimi bəlli olacaq.
