Ajans.az xəbər verir ki,bu barədə vilayətin qubernatoru Aleksandr Drozdenko məlumat verib. “Primorsk limanında gəmidə baş verən açıq yanğın söndürülüb. Daşqın və ya neft sızması təhlükəsi yoxdur”, – deyə o, özünün rəsmi Telegram kanalında bildirib. Qubernatorun sözlərinə görə, yanğına səbəb Ukrayna PUA-sının hücumu olub. Vurulan dronların qalıqları və dağıntı hissələri liman ərazisinin müxtəlif hissələrinə düşüb. Hadisədən əvvəl Drozdenko bölgə üzərinə hücum edən 30-dan çox Ukrayna PUA-sının hava hücumundan müdafiə qüvvələri tərəfindən zərərsizləşdirildiyini açıqlayıb. Təhlükəsizlik tədbirləri gücləndirilib. İlkin məlumatlara əsasən, insident nəticəsində ölən və ya xəsarət alan olmayıb, eləcə də genişmiqyaslı dağıntılar qeydə alınmayıb.
