Venesuela Prezidenti Nikolas Maduro, ABŞ ilə yaşanan gərginliyin fonunda, ordunun Müharibə Qüvvələri, Bolivarçı Milli Milisləri və Bolivarçı Milli Silahlı Qüvvələrinin (FANB) iştirak edəcəyi "Müstəqillik Planı 200"-ü açıqlayıb. Maduro, yerləşmənin "284 cəbhəni" əhatə edəcəyini bildirib.
Xalqcebhesi.az xəbər verir ki, Maduro, Venesuela Dövlət Televiziyasında (VTV) yayımlanan və Müdafiə Naziri Vladimir Padrino López-in də iştirak etdiyi tədbirdə, "Hazırda şimaldan cənuba, şərqdən qərbə, Venesuela Kariblərinin bütün sahillərindən, Kolumbiya sərhədindən, And Dağlarından, ölkənin şərqindən və cənubundan 284 cəbhəni hərəkətə keçiririk," deyə qeyd edib. Maduro, "Gərək olarsa silahlı mübarizəyə hazırıq," əlavə edib.
Digər tərəfdən, paytaxt Karakasın küçələrində polis varlığının artdığı müşahidə edilib.
Venesuela Prezidenti açıqlamasında, "Bütün sahillərin, başdan sona qədər, imperialistlərdən, işğalçılardan və zorakılıq tərəfdarlarından təmizlənməsini təmin edəcəyik," deyə bildirib. "Bu dənizlər, bu torpaqlar, bu məhəllələr, bu dağlar, bu uçsuz-bucaqsız ərazilər və bu torpaqların zənginlikləri Venesuela xalqına aiddir. Heç vaxt Amerikanın imperiyasına aid olmayacaq," deyə əlavə edib.
Məryəm Quliyeva
