Amerika komandası “Kadillak” Valtteri Bottası 2026 mövsümünə hazırlıq çərçivəsində mühəndislərə məlumat toplamaq üçün testlərə dəvət etməyi planlaşdırsa da bu baş tutmayacaq.
90deqiqe.Az-ın “GPblog”a istinadən yaydığı məlumata görə, “Mercedes” fin sürücünü mövcud mövsümün sonuna qədər buraxmamağa qərar verib. Bottas hazırda Almaniya komandasının ehtiyat pilotudur.
Bildirilib ki, Bottas iş yerinin qərarına anlayışla yanaşıb. Onun əvəzinə testlərdə Kolton Herta iştirak edə bilər.
Qeyd edək ki, “Kadillak” 2026 mövsümündən etibarən Formula-1 çempionatının 11-ci komandası olacaq. Bottas və Syerxo Peres isə amerikalı komandanın əsas pilotları kimi çıxış edəcəklər.
