BAKI, 11 sentyabr. TELEQRAF
Müəllimlərin işə qəbul sistemi dəyişməlidir.
Teleqraf xəbər verir ki, bu barədə elm və təhsil naziri Emin Əmrullayev yeni tədris ilinə dair media brifinqində jurnalstərin suallarını cavablandırarkən deyib.
O bildirib ki, müəllimlərin işə qəbulu müsahibə əsasında olmalıdır, test, kompüter arxasında deyil.
"Amma bizim cəmiyyət müsahibəyə inanmır, çünki "kiminsə tanışıdır deyə işə götürürlər" düşünürlər. Şəffaf olduğuna inanmırlar. Buna görə biz imtahanları kompüter yolu ilə götürməyə məcburuq. İnsanlar insana deyil, kompüterə inanırlar. Amma bu doğru deyil. Biz korrupsiyanın qarşısını almağa çalışırıq", - nazir əlavə edib.
