“Pensiya yaşı çatan ibtidai sinif müəllimlərinə sertifikatlaşdırmada iştirak etmək təklif olunub. Əgər müraciət etsələr, 65 yaşdan sonra 4-cü sinfə qədər məktəbdə qalmalarına baxılır. Amma yox əgər müraciət etmirlərsə, 65 yaşı olan kimi uzaqlaşdırılırlar”.Metbuat.az-ın məlumatına görə, bunu elm və təhsil naziri Emin Əmrullayev yeni tədris ilinə dair keçirilən brifinqdə deyib. Nazir əlavə edib ki, sertifikatlaşdırmadan keçməyən müəllimlərlə bağlı ümumiyyətlə müzakirə aparılmır: "Hətta keçmiş müəllimi belə saxlamamaq ixtiyarımız var".
