Respublika ərazisində 15-16 avqust 2025-ci il tarixlərində baş vermiş intensiv yağışlar nəticəsində yaranmış sel sularının ziyan vurduğu Quba və Şabran rayonlarında qəzalı vəziyyətdə olan fərdi yaşayış evlərinin tikintisinə 2 238 942 AZN xərclənəcək.
KONKRET.az pravdaaz-a istinadən xəbər verir ki, tikinti işlərini “Azəri Biznes” MMC həyata keçirəcək.
Fövqəladə Hallar Nazirliyi Tikintidə Təhlükəsizliyə Nəzarət Dövlət Agentliyinin Tikilməkdə olan Obyektlərin Birləşmiş Müdiriyyəti və MMC arasında bağlanan müqavilə üzrə satınalma proseduru dövlət satınalmalarının vahid internet portalında keçirilməyib.
