Azərbaycan-ABŞ münasibətləri çərçivəsində müdafiə sahəsindəki bir sıra əngəllər aradan qaldırılır, bu da Azərbaycanın yeni silahlarla təmin olunması üçün imkanlar yaradır. Bunu Milli Məclisin deputatı Elman Nəsirov bildirib.
Deputatın sözlərinə görə, ABŞ Prezidenti tərəfindən Azərbaycanın dövlət başçısına verilən dəstək, o cümlədən strateji səviyyəli etimad, bölgədə – xüsusilə Qarabağ və Şərqi Zəngəzurda – əməkdaşlıq perspektivlərini genişləndirir.
“Qarabağ və Şərqi Zəngəzura ABŞ investisiya şirkətlərinin cəlbi vacib məsələdir. ABŞ-la razılaşmaya əsasən, müdafiə sahəsində mövcud olan maneələr aradan qaldırılır, bu isə Azərbaycanın yeni silah sistemlərinə çıxışını təmin edə bilər”, – Nəsirov qeyd edib.
O əlavə edib ki, strateji texnologiyaların paylaşımı və müdafiə sahəsində əməkdaşlıq bu mərhələdə daha da aktuallaşıb.
Gülnar Nazimqızı
