1 oktyabr 2025-ci il tarixindən “Nar” şəbəkəsinə keçid edən “Naxtel” abunəçilərə müxtəlif tariflər üzrə 20%-dək endirim və güzəştlər təqdim olunacaq.
Bu barədə"Nar"dan məlumat verilib.
Bildirilib ki, ümumilikdə 12 ay müddətində qüvvədə olacaq endirimlər barədə yaxın günlərdə ictimaiyyətə ətraflı məlumat veriləcək.
Qeyd edək ki, “Naxtel” abunəçiləri 1 oktyabr – 1 dekabr 2025-ci il tarixlərində “Nar”ın Naxçıvan Muxtar Respublikası, o cümlədən Bakı və Gəncə şəhərlərində yerləşən xüsusi xidmət mərkəzlərinə yaxınlaşaraq mövcud nömrələrini öz adlarında saxlamaqla “Nar” şəbəkəsinə keçid edə bilərlər.
