Norveç İşçi Partiyasının rəhbərlik etdiyi hakim koalisiya parlament seçkilərindən sonra qanunverici orqanda çoxluğu təmin edib.
Oxuməni.az “NRK”-ya istinadən xəbər verir ki, bunu səslərin 99%-nin hesablanması sübut edir.
Norveçin baş naziri Yonas Qar Styorenin rəhbərlik etdiyi koalisiya 87 mandat əldə edib - əksəriyyət üçün 85 mandat lazımdır. Ən çox səsi Leyboristlər Partiyası alıb.
Solların qələbəsinə baxmayaraq, səsvermə mühafizəkar seçicilər arasında daha da sağa sürüşməni göstərdi və 47 yaşlı Silvi Listhauqun populist, anti-immiqrasiyaçı Tərəqqi Partiyası seçkilər tarixində ən yaxşı nəticəni nümayiş etdirdi.
Keçmiş baş nazir Erna Solberqin mühafizəkar partiyası üçüncü olub, lakin bu, onun son 20 ildə ən pis nəticəsidir. Sağçı qüvvələr birlikdə 82 mandatı təmin etdilər.
Yonas Qar Stoyer çərşənbə axşamı gecə şərh edib: "İşçi Partiyası hökuməti indi idarə etməyə davam edir".
Mühafizəkarlar Partiyasının lideri Erna Solberq məğlubiyyətini etiraf edib və deyib: “Artıq deyə bilərik ki, Mühafizəkarlar Partiyası Storinqdə müxalifət qüvvəsi kimi yeni müddətə başlayır”.
Norveçdə parlament seçkilərinə 2025-ci ilin əvvəlində Aİ-nin enerji siyasətinin həyata keçirilməsi ilə bağlı fikir ayrılığını bildirən Mərkəz Partiyasının koalisiyadan çıxması səbəb olub.
Almaz Həsənli
