Müəllif:Mehin Qasımova,Banco.az
Bazar ertəsi səhər neftin qiyməti qalxır, treyderlər OPEC+ qərarını və Vaşinqtonun Rusiyaya qarşı sanksiyalarla bağlı yeni bəyanatlarını qiymətləndirirlər.
Banco.az xəbər verir ki, Londonun ICE Futures birjasında noyabrın 15-də Brent markalı neftin qiyməti 0,83 dollar (1,27%) artaraq 66,33 dollar/barelə çatıb. Cümə günü Brent 1,49 dollar (2,22%) ucuzlaşaraq 65,50 dollar/barelə düşüb.
Bu vaxta qədər WTI markalı neftin oktyabr fyuçersləri Nyu-Yorkun NYMEX əmtəə birjasının elektron hərraclarında 0,77 dollar (1,24%) bahalaşaraq bir barelə görə 62,64 dollar təşkil edib. Əvvəlki sessiyada müqavilənin qiyməti 1,61 dollar (2,54%) ucuzlaşaraq 61,87 dollar/barel təşkil edib.
Ötən həftə Brent və WTI fyuçersləri OPEC+ ölkələrinin hasilatı artıracağı təqdirdə bazarda artıq təklifin formalaşması ilə bağlı narahatlıqlar səbəbindən 3%-dən çox ucuzlaşıb.
Neft hasilatının könüllü azaldılmasında iştirak edən səkkiz OPEC+ ölkəsinin nazirləri sentyabrın 7-də keçirilən iclasda oktyabrın 7-də hasilatın sutkada 137 min barel artırılmasını təsdiqləyiblər. Bu qərar qlobal iqtisadiyyatın sabit proqnozu və aşağı neft ehtiyatlarında əks olunan əlverişli bazar şəraiti nəzərə alınaraq qəbul edilib, alyansın bəyanatında deyilir.
