PSJ-nin cinah hücumçusu Dizere Due Fransa millisinin düşərgəsində zədələnib.
90deqiqe.Az-ın “RMC Sport”a istinadən yaydığı məlumata görə, futbolçu 3-4 həftə müddətində komandadan uzaq qalacaq.
Zədənin təsiri ilə Due Çempionlar Liqasının qrup mərhələsinin ilk oyunu olan “Atalanta” ilə matçda iştirak etməyə bilər. Qarşılaşma sentyabrın 17-də keçiriləcək. Həmçinin hücumçunun Fransa Liqasının 5-ci turunda “Marsel”lə oyunu da təhlükə altındadır.
Qeyd edək ki, daha əvvəl “PSJ”nin digər hücumçusu Usman Dembelenin də zədələndiyi açıqlanmışdı. O, Ukrayna millisinə qarşı yoxlama oyununda (2:0) aldığı zədə səbəbindən təxminən 6 həftə meydanlardan uzaq qalacaq. Klubun tibbi heyəti məşqçi Didye Deşama futbolçunun yorğunluğu səbəbindən zədələnmə riskinin yüksək olduğunu öncədən xəbərdarlıq etmişdi.
