Almaniyanın xarici işlər naziri Yoxann Vadeful “Şimal axını” və “Şimal axını 2” qaz kəmərlərinin bombalanmasını terror aktı adlandırıb.
Publika.az xəbər verir ki, o, bu barədə "India Today"ə danışıb.
"Biz yalnız dağıntı gördük və təbii ki, bu, terror aktı idi. Hazırda araşdırma aparılır", - deyə nazir bildirib.
O, baş verənlərlə bağlı günahkarların müəyyənləşdirilməsi və onların məsuliyyətə cəlb edilməsində Almaniya ədliyyə sisteminə tam etibar etdiyini vurğulayıb.
Xatırladaq ki, avqustun 20-də İtaliya polisi Rimini şəhəri yaxınlığında Ukrayna vətəndaşı Sergey Kuznetsovu saxlayıb. Müstəntiqlərin iddiasına görə, həmin şəxs "Şimal axını"nda təxribat törədənlərdən biridir.
