Bu gün Prezident İlham Əliyevlə mən bir-birimizi salamladıq, mən onu və xanımını salamladım. İki-üç kəlmə danışdıq.
Axar.az xəbər verir ki, bu sözləri Çində səfərdə olan Rusiya Prezidenti Vladimir Putin deyib.
Moskva ilə Bakı arasında münasibətlərin vəziyyətini şərh edən Putin qeyd edib ki, ölkələr arasında münasibətlərdə mövcud vəziyyətə və ya hansısa siyasi vəziyyətə əsaslanaraq həmişə bəzi suallar yaranır və problemlər var.
“Ancaq mən inanıram ki, Azərbaycan və Rusiya arasında fundamental münasibətlər və onların inkişafına qarşılıqlı maraq son nəticədə hər şeyi öz yerinə qoyacaq”, - deyə Kreml rəhbəri bildirib.
