RU

SON DƏQİQƏ: Türkiyə İsraillə bütün iqtisadi əlaqələri kəsib, hava məkanını bağladı – Hakan Fidan

Türkiyə İsraillə bütün ticarət və iqtisadi əlaqələri kəsdiyini açıqlayıb. Ulusal.az xəbər verir ki, bu barədə ölkənin xarici işlər naziri Hakan Fidan bəyanat verib. Onun sözlərinə görə, Türkiyə həmçinin hava məkanını İsraildən gələn təyyarələr üçün bağlayır.

“The Jerusalem Post” yazır ki, bu qərarın iqtisadi nəticələri hələ məlum deyil. Lakin hava məkanının bağlanması səbəbindən İsraildən Gürcüstan və Azərbaycana uçuşların müddəti təxminən iki saat uzana bilər.

İsrail rəsmiləri qeyd ediblər ki, Türkiyə daha əvvəl də əlaqələrin dayandırıldığını elan edib, lakin faktiki olaraq ticarət davam edib. Hazırkı addım isə Türkiyə liman rəhbərlərinin gəmi agentlərindən İsraillə əlaqəsinin olmaması və hərbi yüklərin daşınmaması barədə rəsmi məktub tələb etməsi fonunda atılıb.

Məlumata görə, Ankara bu addımı ötən il Qəzzada HƏMAS-la müharibə səbəbilə İsraillə ticarət əlaqələrini dayandırdıqdan sonra növbəti mərhələ kimi həyata keçirib. İllik ticarət həcminin 7 milyard dollar olduğu bildirilir.

Избранный
12
moderator.az

1Источники