Türkiyə Prezidenti Rəcəb Tayyib Ərdoğan Zəfər Bayramı münasibətilə Türkiyənin Azərbaycandakı səfirliyində keçirilən tədbirdə iştirak edən qonaqlara təşəkkür edib.
Moderator.az Oxu.Az-a istinadən xəbər verir ki, bu barədə Ərdoğanın Zəfər Bayramının 103-cü ildönümü münasibətilə Bakıdakı səfirlikdə oxunan təbrik mesajında məlumat verilib.
"Xarici nümayəndəliklərimizə təşrif buyuraraq sevincimizi paylaşan, hissiyatımıza şərik olan bütün qonaqlarımıza canı-könüldən təşəkkür edirəm", - deyə Ərdoğan bildirib.
Onun sözlərinə görə, bu bayram Anadoluda imperialist orduların dağıdılması, çirkin mühasirənin yarılması və millətin əsarətə boyun əyməyəcəyinin bütün dünyaya göstərilməsi ilə əlamətdardır:
"Vətənimiz, bayrağımız, millətimizin istiqlaliyyəti və gələcəyi uğrunda canlarını fəda edən dəyərli şəhidlərimizə Allahdan rəhmət diləyirəm. Möhtərəm veteranlarımızı hörmətlə yad edirəm. Sizi bir daha hörmət və sevgi ilə salamlayıram. Zəfər Bayramınız mübarək olsun".
