Bufer zona, ölü zona, ya da boz zona fərqi yoxdur, bu sahələr artıq mövcuddur. Ağır silahlar onsuz da bir-birindən 10 kilometrlərlə uzaqda yerləşir, çünki dronlarla hər şey vurula bilir.
Axar.az xəbər verir ki, Ukrayna Prezidenti Vladimir Zelenski Avropa liderlərinin Rusiya ilə Ukrayna arasında 40 kilometrlik bufer zona yaradılması təklifinə münasibət bildirib.
Zelenski bildirib ki, bufer zona ideyası müasir döyüş texnologiyaları kontekstində reallıqdan uzaqdır.
O, həmçinin bildirib ki, bufer zona təklifləri əsasən bu müharibənin texnoloji xüsusiyyətlərini anlamayanlardan gəlir:
“40, 50, hətta 100 kilometr bufer zonası təklif edənlər var. Ancaq bu, artıq başqa bir tarixdir”, - deyə Zelenski vurğulayıb.
Prezident əlavə edib ki, əgər söhbət geri çəkilmədən gedirsə, onda Rusiya özü geri çəkilsin.
Qeyd edək ki, Avropa Rusiya ilə Ukrayna arasında cəbhə xəttində 40 kilometrlik bufer zona yaratmağı təklif edir.
