Rusiyanın Ukraynaya qarşı müharibəsi istənilən halda başa çatacaq. Bütün dünya başa düşür ki, Moskvanın təcavüzü davam etdirməsinin səbəbləri absurddur.
Xezerxeber.az RBC-Ukraynaya istinadən xəbər verir ki, bu barədə Ukrayna Prezidenti Volodimir Zelenski brifinqdə bildirib.
“Müharibə hər halda bitəcək, Putin heç yerə qaça bilməyəcək. Dünyada heç kim onları dəstəkləmir”, - Zelenski deyib.
O qeyd edib ki, Rusiya dünya üçün təcavüzkar olaraq qalır: “Moskva günahkardır və müharibəni məhz o bitirməlidir”.
Zelenski əlavə edib ki, Rusiya liderlərin görüşlərini uzatmaq məqsədilə yeni səviyyədə danışıqlar təklif edə bilər.
Onun sözlərinə görə, Rusiya tərəfi danışıqların yeni formatlarını təklif etməklə amerikalılara sanki konstruktiv olduqlarını göstərmək istəyir, lakin bu, sadəcə liderlərin görüşlərini uzatmaq məqsədi daşıyır.
“Trampın Putinə verdiyi iki həftəlik müddət bazar ertəsi bitir. Ukrayna bunu hamıya xatırladacaq və ciddi addımlar gözləyir”, - Zelenski vurğulayıb.
