Pivə içmək hansı xəstəliklərə yol açır? Mütəxəsisdən AÇIQLAMA

Redaktor.az saytından alınan məlumata görə, ain.az bildirir.

Bəzi arıq insanlar kökəlmək üçün pivə içməyə üstünlük verirlər.

Bəs pivənin zərərləri nələrdir?

Mövzu ilə bağlı Redaktor.az-a açıqlama verən qida eksperti İlkin Şirinov qeyd etdi ki,  pivə də digər alkoqollu içkilər kimi insan sağlamlığına ciddi zərərlər törədə bilər:

"Əgər tərkibində spirt varsa, bu artıq alkoqollu içki sayılır. Ən əsas məsələ çox pivə içməkdir. Çox pivə qaraciyər piylənməsinə, qaraciyərin zədələnməsinə, hepatitə və digər xəstəliklərə yol aça bilər. Bu, yuxu pozğunluğuna, sinir sisteminin zədələnməsinə və immunitetin zəifləməsinə gətirib çıxara bilər. Gündəlik və ya həftəlik istehlak normadan artıq olduqda, bu asılılığa yol açır və yaddaş pozuntusu, həm fiziki, həm psixoloji asılılıq yarada bilər. Ürək-damar çatışmazlığı, sirroz, mədə xorası və kilo artımı da pivə istehlakının mümkün fəsadlarındandır. Pivə ilə çəki artırmaq düzgün seçim deyil. Pivə alkoqollu içki olduğundan, həddindən artıq istifadə insanın asılılığına gətirib çıxara bilər və orqanizm üçün ciddi zərərlər yaradır. Bu səbəbdən pivə istehlakına diqqət yetirmək vacibdir".

Nuriyyə NATİQQIZI

Sonrakı hadisələr barədə daha çox məlumat almaq üçün ain.az saytını izləyin.