ABŞ-ın texnologiya şirkəti Microsoft, texnologiya sistemləri və proqram təminatının İsrail ordusunun Qəzzaya hücumlarında istifadə olunmasına dair iddiaları etiraz edən 2 əməkdaşını 27 avqust tarixində işdən çıxardıqdan bir gün sonra, eyni səbəblə daha 2 əməkdaşının da işinə son verib.
Xalqcebhesi.az xəbər verir ki, CBS News-un xəbərinə görə, İsrail ordusuna göstərdiyi xidmətlər və texnoloji infrastruktur səbəbilə tez-tez tənqid olunan Microsoft-un mübahisəli addımları davam edir.
Şirkətin İsrail ordusu ilə əlaqələrinə etiraz etmək üçün 26 avqustda baş ofisdə keçirilən etiraz aksiyasında iştirak edən əməkdaşlardan 2-si 27 avqustda işdən çıxarılıb. Bundan sonra bir Microsoft sözçüsü, həmin əməkdaşların bu hərəkətinin "şirkətin dəyərləri ilə birbaşa ziddiyyət təşkil etdiyini" və məsələ ilə bağlı araşdırmanın davam etdiyini bildirib.
Adı açıqlanmayan sözçü əlavə edib: “Şirkət qaydalarını və davranış kodeksini ciddi şəkildə pozduqları və son günlərdə əməkdaşlarımızın təhlükəsizliyini böyük ölçüdə təhlükəyə atan aksiyalarda iştirak etdikləri üçün daha 2 əməkdaşın da işinə son verildi.”
Beləliklə, Microsoft-dan İsrail ilə əməkdaşlığı dayandırması tələb olunan etiraz səbəbilə son 2 gündə ümumilikdə 4 əməkdaş işdən çıxarılıb.
Məryəm Quliyeva
