Hurriyyet.az "Vestnik Kavkaza" portalına istinadla xəbər verir ki, "Avropa üçlüyü"nün Tehrana qarşı BMT-nin beynəlxalq sanksiyalarını bərpa etmək cəhdləri fonunda Almaniya öz vətəndaşlarını İran İslam Respublikasının ərazisini tərk etməyə və bu ölkəyə səfər etmək fikrindən daşınmağa çağırıb. Çağırışı Almaniyanın Xarici İşlər Nazirliyi edib.
Müraciət nazirliyin saytında dərc edilib.
Nazirlikdən verilən açıqlamaya görə, rəsmi Tehranın təmsilçiləri BMT-nin İrana qarşı sanksiyalarının bərpa ediləcəyi təqdirdə, AFR vətəndaşlarının maraqlarına toxunacaq cavab tədbirləri görəcəkləri ilə təhdid ediblər.
Xatırladaq ki, srağagün Cenevrədə İran ilə“Avropa üçlüyü” nümayəndələri arasında nüvə sazişi üzrə danışıqlar baş tutub. Danışıqlarda tərəflər İrana qarşı sanksiyalar mövzusunda razılığa gələ bilməyiblər. Bundan sonra Böyük Britaniya, Almaniya və Fransa İrana qarşı sanksiyaların bərpası prosesinə start verib.
Hürr Tərcüman
