Britaniya hökumətinin Qəzzaya hücumlara görə bu il Londonda keçiriləcək müdafiə sərgisinə İsrail rəsmilərini dəvət etmədiyi bildirilir.
Politico-nun məlumatına görə, Britaniya hökumətinin sözçüsü Londonda iki ildən bir keçirilən dünyanın aparıcı müdafiə sənayesi toplantılarından biri olan Beynəlxalq Müdafiə və Təhlükəsizlik Avadanlıqları Sərgisinə (DSEI 2025) bu il İsrail hökumətinin nümayəndə heyətinə dəvət göndərilməyəcəyini açıqlayıb.

Sözcü, "İsrail hökumətinin Qəzzada hərbi əməliyyatını daha da gücləndirmək qərarı yanlışdır. Nəticədə heç bir İsrail hökuməti heyətinin DSEI 2025-ə dəvət edilməyəcəyini təsdiqləyə bilərik".

O, həmçinin, "Bu müharibənin bitməsi üçün diplomatik həll yolu olmalı, dərhal atəşkəs əldə edilməli, girovlar azad edilməli və Qəzza xalqına humanitar yardımlar artırılmalıdır" dedi.

Bu arada sözçü İsrail müdafiə sənayesi şirkətlərinin adi qaydada yarmarkada iştirak edə biləcəyini bildirib.

Hesabatda qeyd edilib ki, şirkətlər həqiqətən də iştirak edərsə, bunun genişmiqyaslı etirazlara səbəb olacağı gözlənilir.

Yarmarkanın təşkilatçısı Clarion Defence and Security məsələ ilə bağlı şərh verməyib, İsrailin Londondakı səfirliyi isə Politico-nun suallarını cavablandırmayıb.

Bəzi Britaniya rəsmiləri həmçinin İsrail hökumətinin məsələ ilə bağlı məlumatlandırıldığını və işğal olunmuş Fələstin ərazilərində beynəlxalq humanitar hüquqa riayət etmək öhdəliyini nümayiş etdirəcəyi təqdirdə qadağanın aradan qaldırıla biləcəyini bildiriblər.

aia.az
Tərcümə şöbəsi

• Müdafiə
• Hökumət
• Britaniya
• Sərgi
• İsrail