Milli Hidrometeorologiya Xidməti sabaha gözlənilən hava şəraiti ilə bağlı məlumat yayıb.
Doğru.az xəbər verir ki, avqustun 30-da Bakıda və Abşeron yarımadasında havanın əsasən yağmursuz olacağı gözlənilir. Şimal-qərb küləyi gündüz saatlarında cənub-şərq küləyi ilə əvəzlənəcək.
Paytaxtda havanın temperaturu gecə 21-25, gündüz 31-36 dərəcə isti təşkil edəcək. Atmosfer təzyiqi 761 millimetr civə sütunu, nisbi rütubət isə gecə 70-80, gündüz 35-45 faiz olacaq.
Rayonlarda da havanın əsasən yağmursuz keçəcəyi proqnozlaşdırılır. Gecə və səhər bəzi dağlıq ərazilərdə duman gözlənilir, mülayim şərq küləyi əsəcək. Temperatur gecə 21-25, gündüz 33-38, dağlarda isə gecə 10-15, gündüz 22-27 dərəcə isti olacaq.
DOĞRU.AZ
