Çin ABŞ-nin müdafiə nazirləri arasında telefon danışığı aparmaq təklifinə hələ ki, cavab verməyib.
Redaktor.az xəbər verir ki, bu barədə Nikkei Asia saytı məlumat yayıb.
“ABŞ müdafiə naziri Pit Hegset çinli həmkarı Dun Tsyuna telefon danışığı keçirməyi təklif edib, lakin Çin tərəfi hələlik yekun cavab verməyib”,- deyə məqalədə bildirilir.
Nəşrin qeyd etdiyinə görə, bu, ABŞ Prezidenti Donald Trampın seçilməsindən sonra iki ölkə arasında ən yüksək səviyyədə ilk hərbi təmas ola bilərdi. Lakin Pekin münasibətlərin yaxşılaşdırılması üçün aydın yol görmədiyini bildirib və ABŞ müdafiə nazirinin son çıxışındakı “aqressiv ifadələrə” diqqət çəkib.
Bundan başqa, tərəflər arasında danışıqların kimlə aparılacağı məsələsində də fikir ayrılığı mövcuddur. Pekin bu mövqeyi müdafiə naziri Dun Tsyunla müzakirə etmək istəsə də, ABŞ Çin Mərkəzi Hərbi Şurasının sədr müavini Can Yusya ilə dialoqda maraqlıdır.
Aytəkin TOFİQQIZI
