2025-ci ilin yanvar-iyul ayları ərzində Azərbaycanda könüllü sığorta növləri üzrə sığorta şirkətlərinin yığımları 716,301 milyon manat təşkil edib. Bu göstərici 2024-cü ilin eyni dövrü ilə müqayisədə 14,8% artım göstərir.
Finss.az bu barədə Azərbaycan Mərkəzi Bankına istinadən xəbər verir.
Hesabat dövründə könüllü sığorta növləri üzrə ödənişlərin həcmi 80,595 milyon manat olub ki, bu da ötən ilin eyni dövrünə nisbətən 22,3% çoxdur.
Qeyd edək ki, 2025-ci ilin yanvar-iyul aylarında Azərbaycandakı sığorta şirkətlərinin ümumi xətti üzrə sığorta haqqı 937,658 milyon manat, ümumi ödənişlər isə 529,307 milyon manat təşkil edib. Bu göstəricilər ötən ilin eyni dövrü ilə müqayisədə müvafiq olaraq 12,5% və 20,7% artım göstərir.
Fuad Mədətov
Finss.az
