Marja.az portalından əldə olunan məlumata əsasən, ain.az xəbər verir.
Dövlətə məxsus "Azərxalça" ASC 2024-cü ili 2 milyon 118 min manat xalis zərər ilə başa vurub. Şirkət 2023-cü ili 1 milyon 746 min manat xalis zərər ilə bağlamışdı. Beləliklə, "Azərxalça"nın xalis zərəri 2024-cü ildə 2023-cü illə müqayisədə 372 min manat və ya 21,3% artıb.
Marja.az xəbər verir ki, "Azərxalça"nın əsas əməliyyat gəlirləri 2023-cü ildə 4 milyon 339 min manat ikən, 2024-cü ildə 5 milyon 347 min manata yüksəlib (1 milyon 8 min manat və ya 23,2% artıb). Şirkət ötən il 194 min manat da sair gəlirlər, 537 min manat maliyyə gəlirləri də əldə edib (2023-cü ildə müvafiq olaraq 295 min manat və 588 min manat).
Ötən il "Azərxalça"nın cəmi xərcləri 1 milyon 127 min manat və ya 17,6% artaraq 8 milyon 196 min manat təşkil edib (2023-cü ildə 6 milyon 969 min manat təşkil etmişdi). Cəmi xərclərin artması sair əməliyyat xərclərinin 7 dəfəyə yaxın artması ilə əlaqədardır.
Hadisənin gedişatını izləmək üçün ain.az saytında ən son yeniliklərə baxın.
