BMT-nin Baş katibi Antoniu Quterreş Ukrayna lideri Volodimir Zelenski ilə telefon danışığı aparıb.
Adalet.az xəbər verir ki, bunu BMT Baş katibinin sözçüsü Stefan Düjarrik jurnalistlər üçün keçirdiyi brifinqdə bildirib.
O qeyd edib ki, tərəflər Rusiya-Ukrayna müharibəsinə son qoymaq üçün son diplomatik səyləri müzakirə ediblər.
Düjarrikin sözlərinə görə, Quterreş həmçinin BMT-nin Ukraynada ədalətli, hərtərəfli və davamlı sülhə doğru ilk addım kimi tam, dərhal və qeyd-şərtsiz atəşkəsi dəstəkləmək öhdəliyini təsdiqləyib.
