ain.az, Redaktor.az portalına istinadən məlumat yayır.
Xarici alimlərin apardığı son araşdırmalar göstərib ki, yod çatışmazlığı yalnız qalxanabənzər vəzinin fəaliyyətinə deyil, həm də beyin inkişafına və yaddaşa ciddi təsir göstərir.
Redaktor.az bu barədə xarici mediaya istinadla xəbər verir.
Böyük Britaniya və Avstraliyadan olan tədqiqatçılar minlərlə insan üzərində apardıqları müşahidələrdə müəyyən ediblər ki, yod qəbulunun azlığı, xüsusilə də uşaqlarda və hamilə qadınlarda, zehni inkişafın ləngiməsinə və öyrənmə qabiliyyətinin azalmasına səbəb olur.
Mütəxəssislərin sözlərinə görə, gündəlik yod norması təmin edilmədikdə orqanizmdə hormon istehsalı zəifləyir, bu isə həm enerji balansına, həm də sinir sisteminə mənfi təsir göstərir.
Araşdırma müəllifləri xəbərdarlıq edirlər ki, dünyada milyonlarla insan yod çatışmazlığından əziyyət çəkir. Bu problemin qarşısını almaq üçün ən effektiv yol isə yodlaşdırılmış duzdan istifadə, dəniz məhsullarını və süd məhsullarını rasiona daxil etməkdir.
Alimlər hesab edirlər ki, sadə qidalanma vərdişlərinə diqqət etməklə həm uşaqların zehni inkişafını qorumaq, həm də böyüklərdə yaddaş zəifləməsi və hormonal pozuntuların qarşısını almaq mümkündür.
Nuriyyə NATİQQIZI
Daha ətraflı məlumat və yeniliklər üçün ain.az saytını izləyin.
