Ölkəmizdə də elektromobillərə maraq getdikcə artdığı bir zamanda Los-Ancelesdəki Kaliforniya Universitetinin (UCLA) tədqiqatçıları ilginc araşdırmaya imza atıblar. Onlar elektrikli avtomobillərin enerji doldurma stansiyalarının yaxınlığında sağlamlıq üçün potensial təhlükə olduğunu müəyyən ediblər.
“Cebheinfo.az” xəbər verir ki, eksperimentin bir hissəsi olaraq mütəxəssislər Los-Ancelesdəki 50-yə yaxın “Tesla Supercharger” stansiyasında havanın keyfiyyətini təhlil ediblər. Məlum olub ki, elektrik doldurma stansiyalarının yaxınlığında havadakı zərərli incə hissəciklərin miqdarı stansiyalardan uzaqda olduğundan iki dəfə çoxdur - hər kubmetr üçün 15-20 mikroqram, şəhərdə orta hesabla 7-8 mikroqramdır.
Müqayisə üçün qeyd edək ki, adi daxili yanma mühərriki yanacaqdoldurma məntəqələrində bu rəqəm kubmetr üçün 12 mikroqramdır.
Tədqiqatın müəllifi Yifan Zhunun sözlərinə görə, çirklənməyə toz, kiçik təkər hissəcikləri və şarj stansiyalarının yaxınlığında yığılan qum səbəb olur:
"Xoşbəxtlikdən, bir neçə metr məsafədə zərərli hissəciklərin konsentrasiyası əhəmiyyətli dərəcədə azalır".
Xəzər
“Cebheinfo.az”
