Venesuela narkotiklərin qeyri-qanuni dövriyyəsindən azad ölkədir və kolumbiyalı narkotik kartelləri respublika ərazisindən cəmi 5% kokain keçirməyə cəhd göstərirlər.
Operativ Media xəbər verir ki, bu barədə Venesuela prezidenti Nikolas Maduro “Venezolana de Televisión” telekanalında yayımlanan “Maduro Plus ilə” verilişində bildirib.
"Venesuela təmiz ölkədir, narkotik ticarətindən, koka bitkilərindən və kokain istehsalından azaddır", – deyə Maduro vurğulayıb. O bildirib ki, respublika kolumbiyalı narkotik kartelləri tərəfindən istehsal olunan kokainin ümumi həcminin 5%-nin öz ərazisindən ABŞ-yə daşınmasına qarşı uğurla mübarizə aparır və bu il artıq 52 ton narkotik vasitə müsadirə edilib.
