BAKI, 25 avqust. TELEQRAF
“Çin təhlükəsizlik zəmanəti çərçivəsində Ukraynaya hərbi kontingent göndərməyi planlaşdırmır”.
Teleqraf xəbər verir ki, bunu Çin Xarici İşlər Nazirliyinin rəsmi nümayəndəsi Lin Jian bildirib.
“Bu məlumat reallığa uyğun gəlmir. Çinin Ukrayna məsələsində mövqeyi aydın və ardıcıldır”, - diplomat qeyd edib.
Daha əvvəl “Welt” qəzeti mənbələrə istinadla yazmışdı ki, Çin tərəfi sülhməramlı missiya çərçivəsində öz hərbi kontingentini Ukraynaya göndərməyə hazırdır.
