Koreya Respublikasının Prezidenti Li Jae-myung və Yaponiyanın Baş naziri Şiqeru İşiba ümumi müttəfiqləri olan ABŞ-la ikitərəfli əlaqələrin və əməkdaşlığın gücləndirilməsinin, həmçinin KXDR-in tam nüvəsizləşdirilməsinin tərəfdarıdırlar.
AFN.az xarici mediaya istinadən xəbər verir ki, bnlar bu barədə Yaponiya hökuməti başçısının Tokiodakı iqamətgahında ikitərəfli danışıqlardan sonra jurnalistlərə açıqlamalarında bildiriblər.
"Dünyadakı mürəkkəb vəziyyət kontekstində münasibətlərimizin sabit inkişafı hər iki ölkənin maraqlarına cavab verir və bütün regionun xeyrinədir. Bu şəraitdə Yaponiya, Koreya Respublikası və ABŞ arasında əməkdaşlığın gücləndirilməsi son dərəcə vacibdir" - deyə İşiba bildirib. Yaponiyanın baş naziri Tokio və Seul arasında strateji dialoqun və KXDR-in tam nüvəsizləşdirilməsinin tərəfdarı olduğunu bildirib.
Koreya Respublikasının Prezidenti də öz növbəsində Koreya yarımadasının tam nüvəsizləşdirilməsinin, iki ölkə arasında sarsılmaz münasibətlərin və onların ABŞ ilə əməkdaşlığının gücləndirilməsinin vacibliyini vurğulayıb. "Seul və Tokio müntəzəm olaraq yüksək səviyyəli səfər mübadiləsini bərpa etmək niyyətindədirlər" - deyə Li Jae-Myunq bildirib. O vurğulayıb ki, tərəflər ümumi sosial problemlərin, o cümlədən əhalinin qocalması və aşağı doğum səviyyəsinin həllində əməkdaşlıq etmək barədə razılığa gəliblər.
