Azərbaycanda kibertəhlükəsizlik sahəsində bilik və bacarıqların yoxlanılması məqsədilə “Kibermüharibə” adlı yarış keçiriləcək.
XRİTDX-dən Operativ Media-ya verilən məlumata görə, yarışın qeydiyyat mərhələsinə start verilib.
Məlumata görə, müsabiqə iki mərhələdən ibarət olacaq: seçim turu və final. İştirakçılar informasiya təhlükəsizliyi üzrə müxtəlif tapşırıqları yerinə yetirəcək. Nəticələrə əsasən qalib gələn komanda 30 min manat mükafat qazanacaq.
Yarışda yalnız dövlət qurumları, kritik infrastrukturlar, bank sektoru, telekommunikasiya müəssisələri, eləcə də elm və təhsil müəssisələrinin İT komandaları iştirak edə bilər. Kibertəhlükəsizlik xidmətləri göstərən şirkətlərin yarışa qatılması nəzərdə tutulmur.
Qeydiyyat prosesi cidc.gov.az portalı vasitəsilə həyata keçirilir.
