Ukrayna hökuməti hərbi vəziyyət zamanı sərhədi qanunsuz keçməyə və ölkədən kənarda qalma müddətini pozan hərbçilərə qarşı cəza tətbiq etməyi təklif edib...
Poliqon xəbər verir ki, bu barədə öz Teleqram kanalında Nazirlər Kabinetinin Ali Radadakı nümayəndəsi Taras Melnıçuk məlumat verib.
O qeyd edib ki, hakimiyyət hərbi xidmətdən yayınanların ölkəni tərk etməsinə görə cinayət məsuliyyəti tətbiq etməyi planlaşdırır. Bundan əlavə, hərbi qulluqçular Ukraynadan kənarda qalma müddətinə ciddi riayət etməli olacaqlar.
Melnıçuk əlavə edib ki, sərhədi qanunsuz keçmə ilə bağlı işlərə baxılmasının Dövlət Sərhəd Xidmətinə verilməsi təklif olunur.
Poliqon.info
