ABŞ prezidentinin təmiz təsdiq reytinqi -15%-ə enib, ukrayna-rus müharibəsində fəaliyyətinə dəstək isə daha zəifdir...
Poliqon xəbər verir ki, ABŞ prezidenti Donald Trampın vəzifəyə başlamasından 212 gün sonra onun təmiz reytinqi (təsdiqləyənlərin faizi minus etiraz edənlərin faizi) -15% təşkil edir. Bu göstərici ötən həftə ilə müqayisədə 1,0 faiz bəndi aşağı düşüb. The Economist-in məlumatına görə, amerikalıların 40%-i Trampın fəaliyyətini təsdiqləyir, 55%-i isə narazıdır.
Tramp iddia edir ki, altı ay ərzində altı müharibəyə son qoyub və Nobel Sülh Mükafatına namizəddir. Lakin ictimai rəy sorğuları göstərir ki, amerikalılar onun diplomatik uğurlarına o qədər də inanmır. Fevral ayında Trampın xarici siyasət sahəsində təmiz reytinqi +2 idi, lakin o vaxtdan bəri davamlı olaraq enişə keçib.
Hazırda respondentlərin böyük hissəsi hesab edir ki, Tramp xarici liderlərlə danışıqlarda qeyri-effektivdir. Sorğuda iştirak edənlərin yalnız 32%-i ABŞ və Rusiya prezidentlərinin müharibəni dayandırmaq istiqamətində müəyyən uğurlar qazandığını düşünür.
Ukrayna-Rusiya müharibəsi ilə bağlı Trampın fəaliyyətinə dəstək göstəriciləri də aşağı səviyyədədir. Onun bu istiqamətdə təmiz reytinqi -10 olaraq qiymətləndirilir. Bu, ABŞ ictimaiyyətində Trampın münaqişəni həll etmək bacarığına inamın zəif olduğunu göstərir.
Poliqon.info
