Ajans.az GlobalNews-aistinadən xəbər verir ki, Lafayette şəhər sakini Nathalie Rose Jones “Instagram” hesabında Trampı “terrorçu” adlandıraraq onun vəzifədən uzaqlaşdırılmasına çağırış edib. O, həmçinin administrasiyanı “diktatura” kimi təqdim edib və COVID-19 pandemiyasına qarşı siyasəti sərt tənqid edib. Ədliyyə Departamenti bildirir ki, avqustun 6-da FBI-ya göndərilən yazıda Jones Trampı “öldürməyə hazır olduğunu” və bunu “pandemiya qurbanlarının qisası” kimi dəyərləndirdiyini yazıb. O, həmçinin “bıçaqlı bir obyekt”dən istifadə edəcəyini qeyd edib. Avqustun 15-də Gizli Xidmətə verdiyi müsahibədə Jones Trampı “nasist” adlandırıb və onu aradan qaldırmaq niyyətini etiraf edib. Növbəti gün Vaşinqtonda etiraz aksiyasında iştirak edən qadın federal agentlərə yazıların ona məxsus olduğunu təsdiqləyib, lakin Trampa real zərər vermək niyyəti olmadığını söyləyib. Məxfi Xidmətin Vaşinqton ofisinin nümayəndəsi Matt McCool bildirib:
“Birləşmiş Ştatların Prezidentini qorumaq bizim ən yüksək prioritetimizdir və hər bir potensial təhlükə ciddi araşdırılır.” ABŞ prokuroru Jeanine Pirro isə təhdidləri pisləyərək vurğulayıb:
“Prezidentin həyatına təhdid ən ağır cinayətlərdən biridir və qanun qarşısında dərhal cavabını alacaq.” Jones hazırda ABŞ prezidentinin həyatına son qoymaq, onu oğurlamaq və ya bədən xəsarəti yetirməklə hədələmək, həmçinin təhdidləri ştatlararası yaymaqda ittiham olunur. İşlə bağlı istintaq davam edir.

 

• Həbs
• Sosial Şəbəkələr
• Tramp
• Hədələmə