Rusiyanın xarici işlər naziri Sergey Lavrov Vladimir Putin və Donald Tramp arasında keçirilən tarixi sammit üçün Alyaskaya səfərində geyimi ilə diqqət çəkib.
“Cebheinfo.az” xəbər verir ki, 75 yaşlı diplomat jilet və üzərində “SSRİ” yazısı olan sviterlə kameralar qarşısına keçərək bir anda sosial şəbəkələrin ulduzuna çevrilib. İstifadəçilər bunda gizli siyasi işarənin olub-olmaması ilə maraqlansa da, moda dünyası artıq bu paltarları satır.
Sviter Sovet İttifaqının estetikasından ilhamlanaraq "zamandan və trendlərdən kənar" ilə tanınan Çelyabinsk “SelSovet” brendinin kolleksiyasındandır. Brendin kolleksiyalarına "Sovet İdmanı", "Ofis Romantikası" kimi silsilə geyimlər daxildir.
Lavrovunki kimi kişi modelinin qiyməti təxminən 11 000 rubl, qadınlar üçün variantı isə bir qədər ucuzdur. “AliExpress”-də 4000 rublan da aşağı qiymətə oxşar variant tapa bilərsiniz.
Brend nümayəndələri “Pod'em”-ə bildiriblər ki, sviter iki ay əvvəl nazirə verilib və onun belə mühüm tədbirdə geyinəcəyini heç kim gözləmirdi.
Fotolar yayımlandıqdan sonra sviterlər anındaca satılıb. "Bu səhər biz artıq tələbat dalğası hiss etdik, anbarda olan hər şey yox oldu, indi sviterlər yalnız əvvəlcədən sifarişlə satılır", - “SelSovet”məlumat paylaşıb.
Modelyerlər deyirlər ki, bu sviter ilin ən çox müzakirə edilən dəb aksesuarlarından biri kimi mütləq tarixə düşəcək və Lavrovun üslubu indi təkcə siyasətçilər deyil, həm də modaya təsir edənlər tərəfindən müzakirə edilir.
