Gununsesi saytından alınan məlumatlara görə, ain.az xəbər verir.
ABŞ prezidenti Tramp və Rusiya prezidenti Putin arasında Alyaska sammitində təhlükəsizlik pozuntusu aşkarlanıb. Məlum olub ki, amerikalı personal məxfi sənədləri ictimai mehmanxana printerində qoyub.
Gununsesi.info xarici mediaya isitnadən xəbər verir ki, ABŞ prezidenti Donald Tramp və Rusiya prezidenti Vladimir Putin cümə günü Alyaskada görüşüb.
Zirvəni hazırlayan amerikalı personalın təhlükəsizliyin pozulmasına səbəb olduğu üzə çıxıb.
Amerikanın NPR radiostansiyasının məlumatına görə, protokol ofisi sammitlə bağlı həssas detalları ehtiva edən sənədləri oteldə qoyub.
Səkkiz səhifəlik sənədin birinci səhifəsində sammitin saatlıq proqramı öz əksini tapıb.
Sənəddə danışıqların hərbi bazada hansı otaqda aparılacağı ilə bağlı detallar var.
Sənəddə Trampın Putinə masası üçün Amerika Qartalı heykəlini hədiyyə etmək niyyətində olduğu bildirilir.
Sənədin 2-5-ci səhifələrində üç amerikalı əməkdaşın və Tramp və Putinin nümayəndə heyətlərinin 13 üzvünün adı var.
Sənəddə bu şəxslərin adları və telefon nömrələri var.
Maraqlıdır ki, bu səhifələrdəki bütün rus adları onların ingiliscə tələffüzləri ilə müşayiət olunur.
Sadalanan adlar arasında Rusiya lideri Putin də var.
Sənədin son iki səhifəsi proqramda görünən, lakin baş tutmayan nahara aiddir.
O, naharda kimin iştirak edəcəyini, kimin harada oturacağını və hansı yeməklərin veriləcəyini göstərir.
Sənədə əsasən, Tramp və Putin şam yeməyində üzbəüz oturmalı idilər .
Trampı sammitdə onun beş naziri və xüsusi elçisi müşayiət edəcək.
Putin axşam yeməyində xarici işlər naziri Sergey Lavrov və xarici siyasət müşaviri Yuri Uşakovla da iştirak edəcək.
Menyuya yaşıl salat, file miqnon və krem-brule daxil olmalı idi.
Sənədlər cümə günü səhər, görüşdən bir qədər əvvəl, sammitin keçirildiyi hərbi bazadan 20 dəqiqəlik məsafədə yerləşən dördulduzlu oteldə qalıb.
Ağ Evin mətbuat katibinin müavini Anna Kelli sənədlərdə yalnız naharla bağlı məlumatların olduğunu iddia edib.
O, bunun təhlükəsizlik pozuntusu olmadığını iddia etdi.
Son insident Tramp administrasiyasında ilk hadisə deyil. Mart ayında Müdafiə Departamentinin rəsmiləri “The Atlantic” jurnalının baş redaktorunu Yəməndəki hərbi əməliyyatı müzakirə edən rabitə proqramında bir qrupa daxil etdi.
Orxan
Gununsesi.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
