Xəzər rayonu Türkan qəsəbəsində gənc qız iki dəfə evli olub boşanmış 4 uşaq atası ilə qaçıb.
Şikayətçi Afər Əhmədağa oğlu Əmirov KİV-ə müraciət edərək qızı Aytac Əmirlinin pula görə qaçırıldığını bildirmişdi.
KONKRET.az milli.az-a istinadən xəbər verir ki, Türkan qəsəbə sakini Aytac Əmirli öz istəyi ilə Əfqan Əflat oğlu İmamməmmədovla qaçıb.
Eyni zamanda o da məlum olub ki, Əfqan və Aytac xalaoğlu-xalaqızıdırlar.
Afər Əmirov qızının zorla və pula görə qaçırıldığını bildirsə də, bu iddialar öz təsdiqini tapmayıb. Aytac Əmirli ailə qurmaq məqsədilə ilə Əfqan İmamməmmədovla qaçdığını bildirib.
O da məlum olub ki, Əfqan İmamməmmədov əvvəllər iki dəfə evli olub və 4 uşağı var.
