Bakı, 18 avqust, AZƏRTAC
FİFA klublararası dünya çempionatının formatını dəyişə bilər.
AZƏRTAC xarici mətbuata istinadən xəbər verir ki, ali futbol qurumu turnirin iki ildən bir keçirilməsini planlaşdırır.
2029-cu ildən başlayaraq komanda sayı 32-dən 48-ə çatdırılacaq. Bundan başqa, oyun təqvimində sıxlığı aradan qaldırmaq üçün milli komandaların iyulda keçirəcəyi yoldaşlıq matçlarının ləğvi də nəzərdə tutulub.
Qeyd edək ki, klublararası dünya çempionatı bu il ABŞ-da təşkil olunub. Qalib İngiltərə təmsilçisi "Çelsi" olub.
