BAKI. 17 avqust. TELEQRAF
Pakistanın şimal bölgələrində davam edən sel nəticəsində Xayber-Paxtunxva əyalətində 328, Gilqit-Baltistanda 12, Azad Kəşmirdə isə 11 nəfər həyatını itirib.
Teleqraf xəbər verir ki, bu barədə “Geo News” kanalı məlumat yayıb.
Sel Buner, Svat, Mansehra, Bajaur və Battaqram kimi bölgələrdə evlərə, iş yerlərinə və infrastruktur obyektlərinə ciddi ziyan vurub. Xayber-Paxtunxva əyalətində bir çox ərazi “təbii fəlakət zonası” elan edilib.
Ölkənin şimalında güclü yağışların avqustun 21-nə qədər davam edəcəyi proqnozlaşdırılır. Pakistanın Baş naziri Şahbaz Şərif Xayber-Paxtunxva əyalətinə dərman, qida və digər zəruri yardım materiallarının dərhal çatdırılması barədə göstəriş verib.
