...Britaniya Silahlı Qüvvələrinin rəhbəri, admiral ser Toni Radakin NATO müttəfiqlərini Putinlə ABŞ prezidenti Donald Tramp arasında Ankoricdə keçiriləcək mühüm görüş ərəfəsində Moskvanın təzyiqlərinə boyun əyməməyə çağırıb. ...Tramp bildirib ki, Ukrayna prezidenti Vladimir Zelenski və Avropa liderləri növbəti mərhələdə danışıqlara qoşula bilərlər. Admiral vurğulayıb ki, “Putin NATO ilə müharibə istəmir, çünki uduzacaq” və alyans hərbidən tutmuş kiberməkana qədər bütün sahələrdə etimad göstərməlidir.
...Rusiya zəifdir. Britaniya təhlükəsizdir, NATO güclüdür. Bu təkəbbür deyil, bu, faktdır.
SİA-nın məlumatına görə, bunu Radakin deyib....Qorxu ondan ibarətdir ki, Kiyev öz gələcəyi ilə bağlı danışıqlardan kənarda qala bilər.
Tramp daha əvvəl Ukraynanın artıq rədd etdiyi sazişin bir hissəsi kimi “ərazi mübadiləsi”nin mümkünlüyünü təklif etmişdi.
Prezident Zelenski deyib ki, ABŞ Rusiyanı döyüşü dayandırmağa inandıra bilsə, istənilən razılaşma etibarlı təhlükəsizlik zəmanəti ilə müşayiət olunmalıdır.
Cümə axşamı Zelenski Londonda Böyük Britaniyanın baş naziri Key Starmerlə görüşüb.
Liderlər ərazi güzəştlərini istisna edən şərtlərlə sülhə nail olmaq üçün “qətiyyətli əzmlərini” təsdiqləyiblər və “Putin niyyətlərinin ciddiliyini sübut etmək” şərti ilə ehtiyatlı nikbinlik ifadə ediblər.
Tramp görüşün “ilk iki dəqiqəsində” razılaşmanın mümkün olub-olmadığını anlayacağına söz verib və xəbərdarlıq edib ki, nəticə pis olarsa, danışıqlar tez bitəcək, yaxşı olarsa, sülh “yaxın gələcəkdə” gələ bilər.
Əli Babayev
