“Miss Universe Cuba 2025” gözəllik yarışmasının qalibi, yəni bu il Kubanı “Miss Universum” yarışmasında təmsil edəcək xanım ölkədə tənqidlərlə üzləşib.
Publika.az xəbər verir ki, Kuba 60 ildən çoxdur ki, beynəlxalq gözəllik yarışmalarına qatılmırdı. Ən gözəl kubalı qız yalnız 2024-cü ildə seçilməyə başlanıb. Bu seçimlər Kubada deyil, çox sayda Kuba əsilli insanın yaşadığı ABŞ-ın Mayami şəhərində keçirilib. Bu il qalib olan 22 yaşlı Lina Luases də ABŞ-da yaşayır.
Qalmaqala onun mənşəyi səbəb olub. Kubada Luasesin ölkəni təmsil etmək hüququ olduğuna şübhə edirlər. Kuba qəzetləri onun Mayamidə doğulduğunu, heç vaxt təmsil olunduğu şəhərdə olmadığını və ispan dilini yaxşı bilmədiyini yazır. Tənqidçilər hesab edirlər ki, bu səbəbdən o, kubalı qadınların adından danışa bilməz.
