Məlum olduğu kimi, “Qarabağ” Çempionlar Liqasının pley-off mərhələsində Macarıstan “Ferentsvaroş”uyla qarşılaşacaq.
Xəbərin azərbaycanlı azarkeşlər tərəfindən müsbət qarşılandığından xəbərdarsız. Onlar bu komandaların Çempionlar Liqasının 2022/23 mövsümünün 3-cü təsnifat mərhələsi çərçivəsində qarşılaşdığını və “köhlən atlar”ın evdə heç-heçə etdiyini (1:1), səfərdə qələbə qazandığını (3:1) xatırlayaraq qarşıdakı matçlara ümidlə baxır.
Bəs macarıstanlı azarkeşlər bu xəbəri necə qarşılayıb?
“Football-plus.az” tərəfdarların “Ferentsvaroş”un sosial şəbəkə hesablarında yazdığı bəzi qeydləri təqdim edir.
İordan Daskalov: “Komandama inana bilmirəm. Hakimlər sayəsində mərhələ adladız. Rəqibin bir qolu sayılmadı, təmiz penaltisi verilmədi. “Qarabağ” sizi əzəcək”.
Tamaş Raszko: “Qarabağ”a qalib gəlmək çətin məsələdi, amma bacarmalıyıq. Döyüş, “Ferentsvaroş”!
Bankuti Zoltan: “Çempionlar Liqasının əsas mərhələsinə getmək çox çətindi. Məncə, alınmayacaq. “Qarabağ”ın heyətində Kadi Borges var. Biz onu layiq olmadığı şəkildə yola salmışdıq”.
Oliver Kaç: “Məncə, evdə 1:0 hesablı qələbə qazanacağıq. Səfərdə isə heç-heçə olacaq”.
Adam Baliçs: “Qarabağ” çox güclüdü. Bizi iki çətin oyun gözləyir. Amma ruhdan düşməyin. Daha çətin rəqib ola bilərdi”.
Karoli Fiçsko: “Çox ciddi şansdı. Çox böyük pullar qazana bilərik. “Qarabağ”ı keçmək asan olacaq”.
Andres Papdi: “Qarabağ” “Ludoqorets”lə eyni səviyyədədi, qələbə bizimdi!”
Mark Heqyi: “Sadə formul: hər iki oyunda qələbə qazan və Çempionlar Liqasına yollan! Azərbaycan komandasına qalib gələ bilmirsənsə, deməli, Çempionlar Liqasına layiq deyilsən”
Norbert Qerençser: “Qarabağ”ın “Şkendiya” ilə oyunlarını izlədim. 5 qol vurdular, amma yenə hücum edirdilər. Bizi çox çətin iki oyun gözləyir”.
Pal Hanzeli: “Qarabağ” bizi bir dəfə məyus edib. İndi qisas vaxtıdı. Bacara bilərik. Qat-qat güclü Zaqreb “Dinamo”sundan intiqam almışıqsa, “Qarabağ”ı da devirə bilərik”.
KƏNAN BAHADIR
- Ночной Режим
- Домашняя страница
- Статистика
- Источники
- Рейтинг
- Погода
- Валюта
