Pakistanın Azərbaycandakı səfirliyində bu ölkənin müstəqilliyinin 78-ci ildönümü qeyd olunub.
APA xəbər verir ki, tədbirdə Pakistan səfiri, Azərbaycanda Pakistan icmasının nümayəndələri və digərlər şəxslər iştirak ediblər.
Tədbir Pakistanın dövlət bayrağının ucaldılması ilə başlayıb.
Daha sonra Qurani-Kərim tilavət edilib.
Tədbirin davamında Pakistan üçün bu günün əhəmiyyəti vurğulanıb, sülh və əmin-amanlıq üçün dualar edilib.
Sonra Pakistan səfiri Qasım Mohiuddinin çıxış edib. O, Hindistanla münaqişədə göstərilən dəstəyə görə, Azərbaycana təşəkkür edib və Pakistan-Azərbaycan qardaşlığının davamlı olmasını arzulayıb.
