"Sumqayıt" heyətini yeni oyunçu ilə gücləndirib.
QOL.az xəbər verir ki, Braziliyanın "Paysandu" klubundan Keffel Resende transfer edilib. Bu barədə klubun mətbuat xidməti məlumat yayıb.
25 yaşlı cinah müdafiəçisi ilə imzalanan müqavilənin detalları hələlik açıqlanmayıb.
Qeyd edək ki, Keffel 2024-cü ilin yayından "Paysandu"da çıxış edir. Braziliyalı futbolçu daha əvvəl Portuqaliyada "Trofense", "Torrense" və "Portimonense"də oynayıb.
