İqtisadiyyat Nazirliyi yanında Əmlak Məsələləri Dövlət Xidmətinin Hərracların Təşkili Mərkəzi və Ekologiya və Təbii Sərvətlər Nazirliyi yanında Dövlət Mineral Xammal Ehtiyatlarından İstifadə Agentliyi tərəfindən faydalı qazıntı yataqlarının istifadəyə verilməsi üzrə hərracların təşkili davam etdirilir.
AZƏRTAC Əmlak Məsələləri Dövlət Xidmətinə istinadla xəbər verir ki, faydalı qazıntı yataqları Balakən və Oğuz rayonlarında yerləşir.
Faydalı qazıntı yataqlarının istifadəyə verilməsi ilə bağlı keçirilən növbəti hərracda Balakən rayonunda yerləşən “Katexçay” qum-çınqıl yatağı (1,15 hektar), Oğuz rayonunda olan Muxas-Daşağılçay” qum-çınqıl yatağı (16 hektar) və “Nic” gil yatağı (3,5 hektar) ) istifadəyə verilib.
Hərracın nəticələri (yekun qiymət, hərracın qalibləri və digər məlumatlar) ilə linki vasitəsilə tanış olmaq mümkündür.
